العساف للصحفيين: لا تسألوا عن أي شيء غير مشروع القطارات

العساف للصحفيين: لا تسألوا عن أي شيء غير مشروع القطارات

الساعة 1:12 صباحًا
- ‎فيالسعودية اليوم
19975
261
طباعة
11716

  ......       

اشترط وزير المالية الدكتور إبراهيم العساف على الإعلاميين مساء أمس عدم السؤال عن أي شيء آخر غير ما يتعلق بمشروع القطار الكهربائي والنقل بالرياض.
وكان الصحفيون قد تحلقوا حول الوزير العساف لحظة خروجه من مقر عرض وإطلاق مشروع القطار الكهربائي الذي رعاه الأمير خالد بن بندر بن عبدالعزيز أمير منطقة الرياض في قصر الثقافة بحي السفارات.
وقال في رده على استفسارات الصحفيين حول ما يتم تداوله في مواقع التواصل الاجتماعي عن زيادات الرواتب: (لا تسألوني عن شيء غير مشروع القطار وإلا ذهبت وتركتكم).

 

IMG_8997 IMG_8999


submit to reddit

ِشارك  على الفيس بوك

261 Comments

  1. مبارك الدوسري

    الله يا ربي ترزق الشعب السعودي ياررررررررررررررررررررررررررر بي

    1. يالربع احمدوا ربكم على العافية والامن. وتراكم ابخير ونعمة. ولاتضربوا مثل في الدول اللي جنبا لان في فرق. دولة مسوالة عن نفسة ودولة مسوالة عن المسلمين وجزاكم اللة خير. وتقبل اللة صيامكم وقيامكم

      1. هب مثل راسك

    2. ابوعمر الفريدي

      العساف مابيده شي عبدن مآمور
      لذا اطلبوالله خير الرازقين

  2. ابو عبدالله

    الله يوفقك يا معالي الوزير لا شك انك تسعى لمصلحة الوطن والمواطن ولا أشك في أنك من أكثر المخلصين في وطننا الغالي وعاصرت الأزمات المالية وتعاملت معها بإحترافية ومهنية عالية وساعدت على اعتماد المشاريع وإحداث الوظائف حينما تسلمت الحقيبة الوزارية كانت الرواتب والأجور في حدود ٦٠ مليار في السنة حاليا اعتقد اكثر من ٤٠٠ مليار سنويا لكن لولا سعة صدرك وابسامتك المعهودة التي تجلب التفاؤل لا زال المواطن يطلب من خيرات الوطن ولوكان لي رأي بالموضوع كان انصح بأن يمنح المواطن من تنطبق عليه الشروط قطعة ارض وتامين طبي

    1. ما اعطى الاعلاميين وجه تبيه يطالع برجاك يا ابو عبدالله
      الله يرزقك يا امير مطالبك حق شرعي لك كمواطن

  3. مواطن مهموم

    الراتب لا يكفي الحاجة

    1. وربات البيوت او العاطلات وش وضعهن ليش مايلزمون رجالهن بزيادة مصروفهن مع زيادة رواتب ازواجهم ولا ماحنا ماليين العين

  4. #الراتب_مايكفي_الحاجة

    الراتين جاية جاية بإذن الله !
    لكن الزيادة متى ؟
    #الراتب_مايكفي_الحاجة

  5. زايد الزهراني

    عند الله خير
    و الوضع ما يطمن

  6. زايد الزهراني

    عند الله خير. و الوضع ما يطمن والله و الشعب صبر ليييين ما عاد في صبرهم حيله.
    لكن الفرج عند الله و الله خير الواهبين

  7. ابو حمد المري بقيق

    الله لايوفق من أخذشي بغير حق

  8. عباس چيچان

    سمبوسة

  9. لو يحصل له نقص الرواتب

  10. ياناس وش فيكم على الوزراء!!تراهم يدارون بريموت كنترول مايحلون ولا يربطون

  11. صومو شهركم وطلبو ربكم
    الخيرمن اللة وﻻمنة خلقة—؟

  12. الله كريم اذا سألناه مايردنا

  13. انسان فقير

    الحقو قبل مايفوت الفوت ترى الوقت قصير

  14. صومو شهركم وطلبو ربكم الخير من اللة
    وﻻمنة خلقة —؟

  15. الاستغفار

    علينا بملازمة الاستغفار
    استغفر الله العلي العظيم
    سيد الاستغفار:
    اللهم أنت ربي لا إله إلا أنت، خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت أبوء لك بنعمتك على وأبوء بذنبي فاغفر لي فإنه لا يغفر الذنوب إلا أنت

  16. الظاهر اننا جالسين نطر منه كنه دافع من جيبة قبل سبعة سنوات ذبحوا نفسهم وعطونا 5% وتنقط على ثلاث سنوات وقطر والكويت والإمارات زادت رواتب موظفيها 300%..وعمال قطر اخذوا 5% في الصميم

  17. الله من سابع سماء يسمع ندانا كون فيكون سبحانه ارفع ايديك لسماء فهو يستجيب دعائك

  18. لا اله الا الله

    سيماهم في وجوههم

  19. اذ ماء عطو الشعب شي شكلها ابتخرب والعلم عند اللة

  20. علي الشريم

    احمدوا الله واشكروه على نعمة واحمدوا الله ان ابو متعب ملكنا وهو بيعطيكم لا تخافون هو يحبكم ويهمه امركم

  21. يرحم أمكم أخفضوا الأسعار مانبي رواتب

  22. خالد الناهسي.

    الله يرزقنا وإياكم. الأمن. والأمان. ويحلي لنا بو متعب الله يطول بعمره. ان شاء الله. اللهم آمين. !!!!

  23. هذا مغتني مايبي زياده براتب احناء محتاجين عشان كذا ماعنده مشكله زادو وﻻ نقصوو الله يرزقنى الجنه

  24. مواطن يهمة مصلحة البلد

    سئوال يامعالي الوزير لماذ خفض الريال عام 1984 مقابل الدولار وبسرعة هائلة وعام 1985 كرر تخفيض الريال مقابل الدولار ؟
    الان قد انخفض الدولار ولم تحرك وزارة المالية ساكنا
    لماذا يامعالي الوزير ؟
    معالي الوزير تبي رد المجالس ومايتردد بها
    نعم يجب رفع الريال مقابل الدولار اقل شي 3,25
    ولاكن اغلب الكبار الكبار فلوسهم بالخارج وصعبة جدا احضارها ولن يرضى العم سام بسحب الاموال ورفع الريال ضرر كبير لهم وتنزل ثرواتهم اقل شي ٢٥٪ بهذا تتفوق المصلحة الخاصة على مصلحة الوطن

  25. حسبي الله عليه ونعم الوكيل

  26. الشعب السعودي الكريم الوفي دائماً ما يعبر عن رأيه بكل أدب واحترام طالبنا دولتنا بحقوننا فقط أعطونا حقوقنا ولكم منا السمع والطاعه

  27. لا والله الا مقهور ان كانه صدق جاي للمواطن شي يبي الخير له بس حسبي الله ونعم الوكيل

  28. ادعمو الهاشتاق ويحصل خير يارب

  29. جواب العساف هذ للااخوان الصحفيين بخصوص الزياده منل قولت انا لي على الميت دينار باالجنه ولا باالنار

  30. مستور الحال

    اللهم لا مانع لما اعطيت .. ولا معطي لما منعت

  31. خالد الدوسري

    قيل لاعرابي :لقد أصبح رغيف الخبز بدرهم! فأجاب والله ماهمني ذالك ولو أصبحت حبة القمح بدينار أنا أعبد الله كما أمرني وهو يرزقني كما وعدني

  32. يخوي خل التعليق ولاانت فلسطيني اوسوري زيه ولا خايف منه

    1. #الراتب_مايكفي_الحاجة

      كفوا وكلامك زين
      بس غيرك يبغى يطعم اولاده ويستر حريمه
      ولا تبغانا نهان مثل بعض الشعوب!!
      لا تقفوا سدا بين الحكومة والشعب !!!

  33. إحمدوا ربكم مانبي زياده مادام إنه بخير إحنا بخير وإدعوا إن الله يطول بعمره !!!

  34. يا ناس مافيه زيادة والراتب ما يكفي فكرة شيعية عجزو عنا ﻻ يصير عندنا مثل باقي الدول صحيح انا مدبون لكن ما يعني هذا اني اسوي كذا الرزق ﻻ هو عند العساف وﻻ عند الملك الرازق رب العالمين يا ناس انتبهو خطة شيعية

    1. #الراتب_مايكفي_الحاجة

      لا احسن قولوا الرواتب من اساسها فكرة شيعية !!!
      وطالبوا بإلغائها !!
      ونعيش بدون رواتب احسن!

      خلوا الحكومة تعطي المواطن ولا تإخذوا شيئا براحتكم
      لا تتخلوا عن غيركم !!!

  35. غريب الرياض

    الله فوق كل ظالم
    المواطن يطبخ له سنين وراح يجي اليوم الي ينفجر بوجيهكم .
    كيف نكون مواطنين وحنا لابيت ولاارض كله بالايجارالوطن بيت مو جنسيه ولابالاسم كل يوم يزيد كره وحقد الشعب عليهم راح العمر بالشحاده والذل وهذا حنا مسلمين حتى اليهود احسن منا بالعدل وعارفين ان قوتهم وعزهم من قوه وعز شعوبهم وهم ضعف عددسكننا لاتروحون بعيد عندكم اندنيسيا سنغافورا الامارات كلهم افضل منا بكل شي بالانظمه والرواتب والتطوير ذا وهم اقل منا بدخلهم لكن عندهم ضمير ويشتغلون لبلدهم مو لنفسهم .
    الكلام كثير بس ويش نقول غير الله على كل ظالم وفاسد ومايبيلنا الخير .

  36. ويش نقول حسبناالله ونعم الوكيل

  37. ي رب يزيدون الروااتب

  38. الخير من الله عز وجل وبس سبحانك اللهم وبحمدك

  39. أبشرو بالخير ؛

    اللهم صلى وسلم على رسول الله علية أفضل الصلاة وأتم التسليم .
    والله الذي لا اله الا هو راتبي ٣٤٥٧ ريال ويارب لك الحمد ،
    عايش بنعمة و خير و عارفين الراتب مايكفي لاكن صوموا وعينواخير
    وكل راعي مسؤل عن رعيته الملك ماقصر الله يطول بعمرة ابو متعب
    والخير جايكم ولاتكونون مثل اللي يقول معهم معهم عليهم عليهم
    الحسو عقولكم الاجانب و العلمانين و كل واحد يحمد ربه و يقضب أرضة 
    أن جاء شي شفتوه وأن ماجاء شي فمراح تموتون صوموا  وصلوا والله يخسي ابليس و العساف شاب راسه ووجه منكم ومن اردودكم ومن الصحافه والعلم فديتكم ،
    عند الشايب وما العساف الا عبد مأمور و حنا مسلمين و عيال  رجال متربين على كتاب الله و سنة نبيه ، بشرنا و رد علينا والله من الفضاوة عندكم وخاصة الحريم مايستحون ويسابقون الرجال  بكل  مكان .لو انهم مخلين الدوام برمضان زي أول انه ابرك كل واحد بدوامه والعمل اللي يخصه و ليت يكون فيه احد بس من اللي يفهم علي او يوصل المعلومة هاذي لولاة الامر او لملكنا ، يرجعون الدوام برمضان و أنا معكم الراتب مايكفي الحاجة هذاك الوقت اذا صرتو بدواماتكم و قامين بها على الوجه المطلوب و مخافة من الله .. عمومآ الله يرد كيدة في نحرة اللي اشغلنا و حنا ماحنا في حاجة راتب ،
    بل في حاجة حسنة في كل حرف حسنة او دعوة تستجاب او سجدة عتق من النار صدقة
    سامحوني لازعجتكم واستغفر الله الذي لا اله  الا هو وأتوب اليه ، ولا اله الا أنت سبحانك أني كنت من الضالمين . 
     

    1. #الراتب_مايكفي_الحاجة

      اذا كانت هذه افكار الشيعة فلا بأس بها !
      بيت المال فايض والمواطن محتاج ايش المانع ما يزيد الدخل!!!!

    2. هب مثل راسك

  40. يمهل ولا يهمل حسبنا الله و نعم الوكيل

  41. ابوعبدالرحمن

    والدنا ابومتعب الله يسلمه حملك امانة عظيمه فانقذ نفسك يمعالي الوزيرمن يوما ماينفع مال ولا بنون

  42. وش عليك

  43. وش باقي من كرامتنا مدام كل شيء في ذل !!

  44. عبدالله السبيعي

    توكلو على الله

  45. والدنا حملك الامانه ي معالي الوزيرفكن مخلص معه ومع الشعب البطل

  46. حسبي يالله ونعم الوكيل مالنا غيرك يا الله

  47. من يوم قريت تقرير الرياض عرفت مافيه زياده

  48. ما بيده شئ اطلبوا الله يا بشر هل نسيتم المعطي

  49. هعع كلن له الله لوتخليت عني محدن يموت ياصاحبي قبل يومه

  50. مراح جدي يوم راح ولا عود

  51. ابو عبدالله

    بارك الله فيكم الخير جاي

  52. ههههههههههههه ايه الراتب قليل بس فوق٥٠٠٠٠ حرام تظلمونه اجل انت ساكت ليش يا العساف راتبك يكفي ٩عوايل 

  53. حسبي الله ونعم الوكيل

  54. رزقنا بيد الله

    ماحنا جايينك نشحذك طال عمرك حنا نبي حقوقنا و فلوسنا اللي تحت يدينك

  55. الله الرازق جعل حاجتنا عند الله مو عند احد

  56. أسأل الله العضيم أن يرزقنا من فضله ، صلو على حبيبنا محمد

    1. الرزق من عند الله ما خلق الله الخلق الاوتكفل برزقهم وكل واحد ما ياخذ الارزقه فتطمئن قلوبكم

  57. عوض الشمري

    اللهم ولنا من يخافك ويخشاك ولاتولنا الفجار منا
    شيباننا يقولون اللي يخاف الله لاتخاف منه / لانه ماراح يظلم خوفا من الخالق لاخوفا من المخلوق واليوم كثر الظلم وتفرقت قلوب المسلمين يعني انبسط ياوزير وافرح ياامير إذا خايفين من المخاليق صدقوني الشعب متفرق لاكن اذا تخافون الله اعدلو

  58. يعني لاتحرجوني مافيه الاالضعوي وكملوصومكم احسن

  59. لاتسالوني الا عن المليارات اما عن الالوف هذي مو عندي عند سواقي

  60. سعود العنزي

    هههههه يجيب الله مطر
    غير مثل معروف الي هو انتظر يا….. لين يحيك الربيع
    صار انتظر يالسعودي لين يجيك المليار
    اللهم ازقهم ضعف مايتمنونه لشعب ..

  61. علي القحطاني

    يمهل ولا يهمل لقد ترككم تسرحو وتمرحو وسوف يلاقيكم يومكم الموعود لاينفع مال ولابنون حسبنا الله عليه توكلنا واليه ترجع الامور يوم لاملك الا ملكه ولاقوه الا بالله سبحانه

  62. مجلي الشبيلي

    مسكين وش بيده

  63. ياجعلها تقعد بعده انشاء الله

  64. يالعساف متى تزيدون الرواتب ترى الشعب صبر بما فيه الكفاية

  65. رائد الزهراني

    بيجي يوم توقف فيه بين يد ربك وهو اللي يسالك وساعتها قله مابغا اجاوب والدنيا ما احد عمر فيها يعني

  66. العساف عنده خير بس ماوده يصرح في شي

  67. اذا باني مسجد له في ديرته ب ١٥٠ مليون ريال .. كم ثروته اجل ؟؟؟؟

  68. الله اكبر الله اكبر اصلا مو بكيفه زيه زينا الامر من طويل العمر الملك الله يحفظه مو منك انت بس تنفذ لاتكبر وتحمد الله كيف تترك الصحفيين وش شايف نفسك كلنا (بشــر) مافيه فرق بيننا ….وانا داخل على الله ثم عليك يامليكنا بانك تزود الرواتب وخاصه الشركات والله مضطرين وتكفى انك تامر بصرف رواتب الشركات كل شهر في وقته لانها والله متاخره ب5 شهور تكفى ياطويل العمر ..

  69. نايف الجبر

    شكل فيه زياده بس مو مصرح بيان من وجه

  70. استغفر الله العظيم من كل ذنب عضيم

  71. طلال العتيبي

    سبحان الله يا لعساف

  72. بيجي يوم ربك إلي بيسألك عن كل شيء

    1. هو باغض اي خير للمواطن ولايحب رفاهية المواطن وهذا من واقع عرفته عن العساف من مقربين ويشهد الله على ما اقول

      1. استغفر الله العظيم واتوب إليه

        الله يهديه ع العموم الحمدلله على النعمه الي حنا فيها بس لو مافي غلاء كان حنا بأفضل حال والزيادة ان شاء الله انها قريبه

    2. حسبي الله ونعم الوكيل
      الخير من الله والله يرزقنا ويرزق كل المسلمين مير يالعساف اتق الله في نفسك وفي الناس

  73. تكفى ي ابو متعب رواتب لربات البيوت

  74. هذه يبغالها جين باترك يقولنا ويش يقصد باكلامه

  75. رائد العتيبي

    نصيحة للعسااف زود الرواتب قبل لأتروح فيهاا الشعب صبرر بما فيه الكفايةة

  76. المسلم اخو المسلم يمرض اذا مرض ويفرح اذا فرح والاخ ماندري ماهو موقعه من الاعراب

  77. اللهم عليك بالمفسدين الظالمين في الارض فإنهم لايعجزونك ,,اللهم خذ حق كل مظلوم
    اللهم افضحه في الدنيا واجعله صاغراً ذليلاً وخذه اخذ عزيز مقتدر

  78. محمد ألسبيعي

    أبي أتزوج ما قدرة.

  79. طيب نسألك عن القطار ابشر هل القطار عملي وهل يفي بالغرض وهل يحل اشكالات الاختناقات المروريه وهل سينفذ فعلا بالميزانية المقرره وهل سينفذ بالمده المحدده جاوب ومن هو الضامن لوعودك

  80. مواطن مديون ومهموم

    أكثر من كذا استفزاز ما فيه 🙁 حسبنا الله سيؤتينا الله من فضله إنّا إلى الله راغبون….اللهم صبّرنا وأغننا بحلالك عن حرامك وبفضلك عمن سواك.

  81. إن مع العسر يسرا

  82. حسبنا الله ونعم الوكيل .. لو حجر كان قلبه حن على حال الشعب من الفقر اللي ذابحهم والدين .. لاكن اللهم في هذه الليله المباركه من لليالي القدر في شهرك المبارك انك ترزق عبادك المسلمين وتنزل غضبك على كل إنسان يتجاهل مساعدت الفقراء أو سعى للفساد

    1. امين

  83. عبدان الهزيمي

    تكفى بشششرنا

    الله يجيب اللي به خير ويفرحنا

  84. هلال المطرفي

    بكلامه العساف يعني ان اصواتنا وصلت والان هو يتهرب عن الاسئله حسبنا الله ونعم الوكيل

  85. 89 مليار خافوا الله

    هذا المبلغ يعمر بلد كاملة والعساف هذا يشوفون له حل والله الملك ما يقصر لكن مثل هذا وطقته هم اللي ما يخافون الله .

    1. يعني هو في يده القرار خلونا صريحيين

  86. ألحياة مو مثل قبل كل شيء صار غالي. ونفس. تتمنى تشوف غيرها أفضل وهي إلى مته نحلم. يعني إذكان راتبك في الشهر. ألفين وثلاث ميه. عندك أطفال. أجر بيت. كهرب. معيشه. ؤش ؤش ؤش تكفي. حرم. جرب عش بألفين بشهر هل بتقدر تعشي. خلاص ؤش يكفي.

  87. عابر القارات

    من الله ولا منه

  88. والله اذا كان فيه زياده فهي شفيعه للرد هذا لكن لو ما جاء زياده فهذا الرد ما ينسكت عليه من ابسط حقوقنا انه يرد على استفسار مثل هذا والا مو شايف اوادم قدامه ؟؟!!!

    عن نفسي انا اتوقع مافيه زياده وما معكم الا الصبر وما بيدكم حيله

  89. بنت الرياض

    الله يرزقنا يارب الارزاق من الله مو منه ولامن غيرة اللهم اجعله سببا فيه خير للمسلمين

    1. محمد السبيعي

      الله لايوفق من يضر المسلمين

  90. غريبة هالدنيا

    يرحم امكم زيدوووووا الرواتب ،

  91. الخير من عندالله لامن العساف ولاغيره
    اللهم لامانع لما اعطيت ولا معطي لما منعت

    1. عديل الروووح

      كلامك يا اخي الفاضل محمد سديد سدد الله خطاك الناس تعلقت بالمخلوق ونسوا الخالق اطلبوا الله هو الرازق الكريم الذي بيده الخير

      1. اللهم يافارج الهم ويكاشف الغم فرج همنا وارحم ضعفنا
        وقله حيلتنا وارزقنا من حيث لا تحسب يارب العالمين

        1. مواطن مسلم مسالم

          هذي مو شحدة جزاك الله خير الناس تطالب بحقها من العبدقبل لايوصلو لرب العباد…حقهم ويطالبوة بدنيا..سبب الغلاء ارتفاع البترول يعني المسبب يتحمل الزيادة مش المواطن

    2. ابو ضاري وحده كافي

      أخوي محمد آْنَـYOUـْتُ وعديل الروح
      كلامك عين العقل كثر الـلـه من أمثالكم

      أفهموا ياناس الأرزاق بيد الرزاق

  92. ما يبي يقول لا عشآن الناس ما تقوم على الحكام ؤلا يبي يقول إيه عشآن ما يبي يفرح أحد 🙂

  93. هذامتغطرس كيف ميردعلى الصحفيين وش يحسبه

  94. حسبنا الله

    تكفا طلبناك وقف

  95. اجل فيه شي ولا ليش يتهرب من السؤال

  96. #الراتب_مايكفي_الحاجه حلمنا بزيادة الرواتب مثل حلم إبليس بالجنه. (بلطوا بحر إذا زادو الراتب)

    1. الحاجة مو الحاجه في فرق

      1. بالله هذا وقت فلسفه المهم المعنى يا؟؟؟؟؟ ياثقل دمك

        1. يقصد الهاشتاق الصحيح بالتاء المربوطة ،، بعيداً عن الأخطاء الإملائية

        2. ياحبك للفلسفة معروفه معناها

      2. بالعكس الصحيح إنها “الحاجه” هاء وليت تاء

  97. ليش ماتجاوبهم ايه اولا

  98. يارب يجي الخير

  99. عبدالله العتيبي

    العلم عنده بس ما يبي يقول ):

  100. ارجوك بشرنا

    1. العساف

      يعني يعسفكم

شاركنا بتعليقك

لن يتم نشر عنوان بريدك الإلكتروني.




تيوب المواطن


الرياضه


غرائب

قد يعجبك ايضاً

وزارة البيئة والزراعة تعلن عن تجربة لقاح جديد لكورونا

الرياض – واس أعلنت وزارة البيئة والمياه والزراعة