وظائف صحية شاغرة لدى وزارة الصحة التشكيل المتوقع لـ الأهلي ضد الرياض المودة تخدم أكثر من 18 ألف أسرة خلال الربع الأول من 2024 لابورتا يعلن استمرار تشافي: لدينا مشروع يتطلب الاستقرار تردد القنوات الناقلة لمباراة برايتون ومانشستر سيتي الفيحاء يستهدف تعزيز تفوقه ضد الطائي بـ 40 مليون دولار.. السعودي للتنمية يوقع مذكرة تفاهم تنموية لدعم الصناعة بسلطنة عمان تردد القناة الناقلة لمباراة الرياض والأهلي %87 نسبة المبادرات المكتملة.. أرقام قياسية لـ رؤية السعودية 2030 في عامها الثامن السيول تواصل جريانها في وادي تربة
بالتزامن مع بدء عاصفة الحزم التي تقودها الممملكه ودول التحالف ضد مليشيات الحوثي ، نظم شاعر الوطن خلف بن هذال العتيبي ابياتاً شعريه حماسيه تشد من ازر جنودنا البواسل قال فيها :
يا مصدر العز والناموس والهمه
الناس ترفع لك البيضاء بأياديها
أضرب على رأس الأفعى ما دفق سمه
خل الأفاعي تموت وسمها فيها
الروقي
صح لسانك يابوهذال
غير معروف
الله يطول عمر ابو هذال هذا ما تعودنا عليه
الضان
فقدنا الحماس بعد ابو هذال
سعود العتيبي
خلف بن هذال
تطمني يا ارض اليمن جاك سلمان
واخوانه شيوخ الفخر والحميه
الله واكبر رددي بين الاوطان
وردي لحكام الخليج التحيه
يادار هادي عيشي بخير وامان
في ضلنا والنار للنار حيه
انتي لنا من قبل هدهد سليمان
اصل العرب والشيمة اليعربيه
عرشك كبير وله مكانه وله شان
ماتعتليه الخمه الفارسيه
بدري على الحوثي وبدري على ايران
وبدري على الاخوان والداعشيه
بدري عليكم ياضعيفين الإيمان
ياهل الغدر والفتنه الطايفيه
هذي خليجيه على رمح وسنان
من دونها اللي ماتهاب المنيه
من دونها اللي تحتمي كل ميدان
نوادرن على المعارك جريه
حنا الخليجيين ذربين الايمان
اسيوفنا دون العرب صيرميه
حنا لنا دينٍ محى كل الاديان
على كتاب الله وسنة نبيه
حنا الفخر حنا المكارم والاحسان
حنا الصطر حنا العزوم القويه
حنا هل الطولات من ماض الازمان
امجادنا من يوم بقعاء صبيه
تطمني يا ارض اليمن جاك سلمان
واخوانه شيوخ الفخر والحميه
الله واكبر رددي بين الاوطان
وردي لحكام الخليج التحيه
جديد
خلف بن هذال العتيبي
العضياني
صح لسانك
غير معروف
قصيدة
على مستوى