"المساعد" راثياً الملك عبدالله: ما قول بس الشعب يب...

توالت قصائد الرثاء في فقيد الأمة، الملك عبدالله، حيثُ رثى الشاعر فهد المساعد، ملك الإنسانية بقصيدةٍ حزينة، جسد فيها الحسرة على فراقه.

وقال “المساعد” في قصيدته:

ترجّل الفارس ولوّح بيمناه يارب تلهمنا الصبر والسكينة

ماقول حنّا لحالنا اللي فقدناه الأرض واللي فوقها فاقديّنه

تشتاق له روضة خريم وتحراه ماباقي إلا تسأل الناس وينه

ونظارته بشته عقاله ومركاه تبكي على شوفة ولمسة يدينه

والمصحف اللي تاركه في مصلّاه وسجّادته فاقصى المصلّى حزينة

والدّرب يسأل عن خطاويه وممشاه والقصر يسأل عن حزن زايرينه

قولوا لقصره كان قصره تباطاه كم قرية تبكي عليه ومدينة

ماقول بس الشعب يبكي لفرقاه حتى العصى تبكي مفارق يمينه

“المساعد” راثياً الملك عبدالله: ما قول بس الشعب يبكي لفرقاه حتى العصا تبكي مفارق يمينه