نيابة عن ولي العهد.. وزير الخارجية يصل إلى مصر لترؤس وفد السعودية في قمة شرم الشيخ للسلام
ترامب يبرر عدم حصوله على جائزة نوبل للسلام
أمطار على منطقة الباحة حتى المساء
تنبيه من أمطار وسيول وصواعق رعدية على عسير
دوبيزل تعتزم طرح 30% من أسهمها في اكتتاب عام أولي
هل الشاي يقي من الكبد الدهني؟
ترامب محذرًا روسيا: سنرسل صواريخ توماهوك لأوكرانيا إذا لم تنته الحرب
لأول مرة.. جامعة شقراء تدخل تصنيف التايمز العالمي للجامعات للعام 2026
مركز الملك سلمان لأبحاث الإعاقة يدشن مبادرة الغرفة الحسية بمطار الملك فهد الدولي
حماس تفرج عن 13 من الرهائن الإسرائيليين بالدفعة الثانية
-
36°
نشر الشاعر عبدالرحمن بن دابس المرخان قصيدة رثى فيها شهيد الوطن- المغفور له بإذن الله- #العقيد_عبدالله_السهيان ، والذي استُشهد فجر أمس أثناء عمله ضمن قوات التحالف في عمليات تحرير محافظة تعز باليمن.
وجاء في قصيدة “المرخان”:
يا موطني دونك رجال مغاوير *** ومن مات منهم جاك واحد بداله
قل للملك سلمان شعبك على خير *** وما يذل والد دون ملكه عياله
والجوف كم فيها رجال ومشاهير *** والدم يشهد مع رجال الشكاله
شال المهمة ما رماها على الغير *** يا حي ذاك الوجه وحي البساله
عمامه اللي نافلين الطوابير *** وعلى الشرف والعز طالع لخاله
الحور فزن له سرور وتباشير *** وصفن على يمناه وصفن شماله
وطافن عليه من الفرح بالمباخير *** كنه نهار الكون صاحب جلاله
سوق الشرف ما هو بسوق الهوامير *** فيه الربح مضمون في كل حاله
ما يدخله يا كود عوج المناقير *** ترقى الخطر يوم الردي ما رقاله
العمر يفنى والحوادث مقادير *** وموت الفتى بالحرب عز وجماله
ما مات لينه طهر الحد تطهير *** واسقِ العدو كاس القهر للثماله
وقُل للعدو اللي تشمت بتحقير *** ما همنا البواق…. وراع العماله
صُبّوا لابوه البن ياهل المظاهير *** وعدّه عن اللي حيلته بالبياله
وعطر شنب من جابه اليوم تعطير *** وقبّل جبينه لي… وعزو عياله
ما هزتك يا طويق صلف العواصير *** يرسي كما ترسي شوامخ جباله
يوم الجبان ابعد عن الشر والخير *** ولو مر به نسناس طيّح عقاله!
وقولوا لملكنا ما علينا مخاسير *** الجوف أهلها كل أبوهم رجاله
ما دوروا يوم الملاقاء معاذير *** العذر دون الدار عيب وفشاله
هذا وأنا في غربتي قاصر السير *** وقلبي على دار السعد حي فاله
وصلاة ربي عد وبل الشخاتير *** على النبي خاتم كلام الرساله
تابعوا قناة المواطن على واتساب