بأمر الملك سلمان .. صرف راتب شهرين لجميع موظفي الدولة

بأمر الملك سلمان .. صرف راتب شهرين لجميع موظفي الدولة

الساعة 10:56 مساءً
- ‎فيالسعودية اليوم
104445
843
طباعة
سلمان

  ......       

– صرف راتب شهرين لجميع موظفي الدولة

– صرف مكافئة شهرين لجميع طلاب وطالبات التعليم الحكومي داخل وخارج المملكة .

– صرف معاش شهرين للمتقاعدين .

– تعديل سلم معاش الضمان الشهري .

– صرف مكافئة شهرين لمستفيدي الضمان الاجتماعي .

– صرف مكافأة إعانة شهرين للمعاقين .


submit to reddit

ِشارك  على الفيس بوك

843 Comments

  1. ذهبه احمدمنصور

    الله يحفظ ويسعدك اسعدالشعب

    1. اسعدك انت بس اما الباقي انظلم

  2. محمد العتيبي

    ياحي هالحجاج يالسلمان جعلني ماعدمك وجعل من يعاديك يمرض ولااله علاج والله انك الذخر والسند والعزوه والله يرحم واللديك وودي اني جيتك وبايعتك بس الدوام ظغط خفارات وست ب اربع وعشرين والبرنامج ذا توني لقيته وانشالله تاصلك بيعتي وعهدي

    اعاهد الله ثم مليكي ان لا اخون هذا الوطن وان ابقئ درع له مادام الدم في عروقي وابايعك ياسلمان بن عبدالعزيز ملكاً وولي امري وابقئ لقيادتكم وتوجيهاتكم وامركم 

  3. هل لهم شي للي يشتغلون بقطاع الخاص

  4. هل الموظف القطاع الخاص له شي

  5. احنا محتاجين. حافز لاتقطعو الاعانه علينا مفروض تكون مستمره ماتتوقف ابد

  6. ياملكنا سلمان نبغي حافز مستمر ومايتوقف ابد احنا. محتاجين

  7. الله يحفظ ملكناا سلمان من كل شر

  8. محمد العتيبي

    والله يالشعب مايعجبهم شي اقول احمدو ربكم والعوض فالموظفين الحكوميين تسلفو منهم وواطلبو العون من الله وولاة الامر رايتهم بيضا الله يجزاهم عنا خير

  9. المدرسه الاهليه يشملها ولالا لسعودين ابي اعرف لاهنتم

  10. تكفى ياملكنا الغالي الله يحفظك يارب ويسعدك دنيا واخره اسعدنا بالتعيين

  11. شباب سال راتب شهرين مع الشهر الي بتاخذته ولا راتب وزياده راتب يعني لو 5000 تصير 10000 لا بتصير 15000

    1. راتبين مكرمه مالها دخل براتب الشهري ومو كامل الاساسي فقط بدون الزياده 15%

  12. لاهنتم ياشباب هل يشمل الراتبين المدرسين السعودين في المدارس الاهليه ويارب ينزل امر بتعيين المدرسين السعودين انا بهذلوني الاهليه

  13. وربي حرام وظلم القطاع الخاص ولاشي والعاطلات وحافز وين يرحون .يارب..

    1. وحافز وش وضعه

  14. محمد العتيبي

    جزيت بالخير يحزام السعد سلمان
    حكمت وبحكمك الصارم برا روحي
    ولاهي غريبه عليكم قبلكم سلطان 
    مانجحد الي مضو والكل مسموحي

  15. وربي حرام وظلم القطاع الخاص ولاشي والعاطلات وحافز وين يرحون …

  16. هل موظفي الخطوط السعوديه تشملهم المكرمه

  17. ليش الحكومين الي يجيلهم العرضالمغري وشركات لاحياة لمن تنادي حسبي الله ونعم الوكيل …………

  18. ومن يلومني في حب سلمان ؟!

  19. كل استلم بس انا المسكينه لا ضمان ولا حافز

  20. مسفر المالكي

    يكفي طلة ابو فهد عليه ولو لغيري عطاياه
    ما وليت له بعد ربي ولايه لاجل مال وجاه

    افرح من فرحة اخوي ولو اني خسرت مااتمناه
    يكفيني اني شفته والابتسامه على محياه

    اعذروني على التكسير ،
    بارك الله لكم فيما جاكم .

  21. لمتى هدي الحال

    قطاع عسكرية طردنا يقولون قصير

    وظائف حكومية يقول مانت موهل
    قطاع خاص يتشرط ويجي واحد مايسوى مدير وينفخ عليك بالله موقهر لمتى هذي الحال والله تعبت نفسيا قسم بالله
    خريجي كليه وعندي دورات وخبره
    وفي النهاية راتب 4050 بالله هدى أتزوج منها ولا اعمر منه ولا اشتري سياره حسبي الله ونعم الوكيل حسبي الله ونعم الوكيل

    ولاحتى مكرم الراتب مااشملنا حسبي الله ونعم الوكيل

  22. منى الحربي

    هل يشمل الرواتب شركة الكهرباء؟

  23. مايشمل حافز

  24. وحافز يشمله ولا لا

  25. بنت الوداعين

    اللهم ارزقه البطانه الصالحه

  26. والله قهر واحنا يالقطاع الخاص مالنا اي شي موضفي الحكومه رواتبهم عاليه وعلى ذالك بتجهيهم راتبين اما احنايالقطاع الخاص رواتبنه طفسه ولا في اي شي علينا نناظر ونسمع ونتحسر والله والله قهر انشاء الله ينظر لناالملك بعين الرحمه والحمد الله على كل شي

  27. عبد العزيز المانع

    هل يشمل القرار الملكي المخالفات المروريه

  28. محمد ال غرير

    هل يشمل القرار المخالفات المروريه

  29. نبي وظائف للخريجات .. يتيمه .. ودخلي من الضمان 250 ريال … ابي وظيفه اسد بها حالي انا وامي واختي ..

  30. وحافز مالهم شي

  31. اسامه العلي

    هل يشمل كليه مجتمع جازان

  32. رايدالشمري

    بيض الله وجيهكم ورحم الله ولدينا وولديكم الله لا يغير علينا هذه النعمه وحفضكم الله لنا وللبلد الغاليه مشالله تبارك. الله وطول الله بعمركم لكن حنا موضفين القطاع الخاص نتمنى الترسيم حيث اننا لنا ٣ سنوات ونرجي من الله ثم منكم اخذ العطف والشفقه في عين الاعتبار لامرنا حيث ضروفنا الخاصه لا يعلم بها الا الله نطلب منكم النضر في موضوعنا كا حراس أمن تابعين لجامعه حايل ومتعاقدين مع شركه حيث دعمها لراتب ٣٠٠٠ ويعلم الله انه لا يكفي الحاجه وضروف الحياه صعبه المتزوج وفي ذمته أطفال ونحن في ذمه الله ثم في ذمتكم

    1. محمد العتيبي

      رايد الله ييسر امرك ويرزقك ماقصرو ولاة الامر والباقي علينا بعد الله الواحد لازم يشوف له دخل غير الدخل الشهري ويسترزق والارزاق فالبلاد اكثر من العباد الي فيها لكن اهم شي ان الحاكم ماقصر والله يطول بعمره ويرحم من مات

    2. محمد العتيبي

      الله يجزاك خير يارايد ولاة الامر ماقصرو والباقي علينا حاول تشوف لك دخل غير دخلك الشهري والرزق عندالله والبلاد هاذي فيها خير وارزاق والله يرزقك وييسر امرك كل واحد ياخذ نصيبه

  33. عبدالعزيز

    متي يبدا العفو

  34. والله حرام ترانا نحتاج اكثر والله من الجامعين خاصه انا حنا ندفع اجره المواصلات للمدارس تكفى ياملكنا الغالي اطلع ع مانقوله بناتك طالبات المدارس

    1. انا جامعيه وندفع للمواصلات مافيه احد احوج من احد غير مصروف وغير الكتب كلها احنا نشتريها انتو ماتحتاجون مصروف عالي ولا مواصلاتكم غاليه والكتب بلاش

  35. اسامه العلي

    كليه المجتمع بجازان مافيها مكافأة مدري يصرفو لنا ولا مو

    1. حمزه يحيى الهادي

      كلام سليم . ونحنا في جامعة الملك عبدالعزيز نظام موازي هل يصرفون لنا ولا لا

      1. طيب طالبات كلية المجتمع بمكه تشملنا المكافأت او ﻻ

  36. والله حرام طلاب وطالبات مايحصلو بعضهم هم يدفعون اجره المواصلات اتمنى من ملكنا الغالي يعطينا رواتب حالنا حال الجمعيين

  37. تكفى ي ملكنا فرحنا بمكافأه لو شهر واحد قسم بالله لو م احنا محتاجين م طلبنا فرحونا مثل م فرحنا عبدالله رحمه الله عليه بتكافل مير م حصل وما صرفو لناا

  38. يشمل المدارس

  39. والله حرام يعني حنا م نحتاج انا ثاني ثانوي ليه م يعطونا الناس كلها لها وفرحانين كل السعوديين ليه حنا م نستحق م نتعب حتى تكاافل م جانا ولا شفناه المفروض لكل الشعب ترانا طلاب مثلنا مثل اللي فالجامعه وحنا احوج بعد على الاقل هم لهم مكافءه كل شهر بس حنا وش لنا

    الله كريم

  40. ابوعبدالله

    وش المقصود باالراتبين الاساسيين هل تشمل الراتب الشهري اومن غيره

    1. محمد العتيبي

      اذا هي مثل الي جت في عهد عبدالله الله يرحمه ويبيحه ويحلله ويزاه عنا خير ويحرم جسده علئ النار فهي راتبين كامله مو اساسي لكن انشالله انها كامله واذا اساسي الله يجزاهم خير ماقصرو ورحم والله واللديهم كفو ووفو ورايتهم بيضا جعلني فداهم

  41. العسيري تاج راسي

    الحين مكافأة الطلاب جميع الطلاب ابتدائي ومتوسط وثانوي ولا الجامعات طيب واللي معدله أقل من 2 في الجامعه يستحقها أفيدونا تكفوووون

    1. والله ياخوك انشاء الله انه يستحقها ، واضن ان القرار ماله علاقه بالوظع الاكاديمي.

  42. هل حافز يشمل قرار صرف راتب شهرين بأمس الحاجه له

  43. يزيد بن خالد

    الموظفين مع راتب الشهر الجاي ،، المتقاعدين بنص الشهر بتنزل

  44. الله يجزاكم خير بغيت اسألكم عن العفو الذي صدر من الملك سلمان بن عبدالعزيز طيب الله ثراه بخصوص المساجين من الحق العام وما هي البنود المشروطه في حق السجين

  45. هناك بعض الشركات سوف تتفاعل مع القرار واولها شركه اسمنت اليمامه..

  46. حسين العطوي

    هل يشمل الاوامر الملكيه في اعفاء من لديه اقساط في بنك التسليف نرجوا ذالك

    1. بنك التسليف اتوقع موقفينه سنتين مسددين اقساط سنتين عنكم انا اخوي كذا

  47. يوسف.مبارك.الجمعه

    أنا أعمل في تحليه المياه وأطلب من الله عزوجل ثم منكم بترقيتي

  48. alinasser14005@hotmail.com

    انا موظف رجل امن قطاع خاص هل شملني الاوامر الملكيه …. راتبي ضعيف جداجدا تكفون ناظرو في وضعنا مضلمين في رواتبنا

  49. والعاطلين مالهم شي

  50. يوسف.مبارك.الجمعه

    ابيع الملك سلمان وولي العهد الأمير. مقرن.ولئ جميع الأمراء وال.سعود وهذا.كتاب الله عزوجل أقسم به اني ونيابه عن عائله الجمعه بمنطقة الأحساء. الطرف وعن.ديرتي نحن نبيع الملك سلمان علئ كتاب.الله بالمحبة والولا. ولي.جميع ال.سعود

    1. قصدك تبايع والا تبيع ؟

  51. تغريد العسيري***

    يا عمي اقسم بالله اوامر ملكيه تفتح النفس واكيد الرواتب هاذي مضمونه للكل والله يوفقه وانا متاكده ما رح يخلي احد الملللك((سلمان)) قولو الله يحفظه بس ويديم الامن والامان♡♡♡♡

    1. ايه شركه الكهرب لهم شايفته امس الله يجزاك خير يا ملك الانسانيه وياليت تعلموني حافز كن ضمنهم والا ﻻ

  52. القطاع الخاص لايوجد لديه صرف راتبين شهرين من الامر الملكيه

  53. حسام الدوسي

    الشركات ياخذونك لحم ويرمونك عضم وفوق هاذا الحكومه ما تعطينا وجه تقول شغالين خارج السعوديه

  54. هل تشمل مدارس

  55. لو سمحتو ممكن اعرف يلي امهم سعوديه هل يستلمون

    مكأفأه جامعيه وشكرا

    1. الله يوفق الجميع

  56. هل القرار يشمل موظفي الشركة السعودية للكهرباء

  57. المكافاءت تشمل جميع طلاب وطالبات المراحل من الجامعه الى الابتدائي وحتى التحفيظ
    الله يجزاه خير ملكنا عطاه الله وعطى شعبه
    بس بسال انا تعليم عن بعد مستوى اول هل يشملنا المكافاءه

  58. عبدالسلام ابوشامة البلوي

    هل يحصل طلاب المرحلة الثانوية مدارس الأهلية على مكافأة

  59. عبدالسلام ابتسامة البلوي

    هل مدارس الأهلية ثانوية يحصلون على مكافأة

  60. صرف مكافئه لجميع الطلاب و الطلابات المدارس ؟؟

  61. صالحه العسيري

    بارك الله فيكك يا ملكناا سلمناا ورحم الله الملك عبد الله بن عبد العزيز والى الامام ياسلمنا

  62. القطااااااااااااع الخااااااااص
    خريج جامعي براتب 2940 القطااااااااااااااع الخااااااااص

  63. هل المكرمه تشمل الموظف الحكومي اللي في اجازه استثنائيه بدون راتب ؟

  64. الحين المكافاة للطلاب والطالبات بالمدارس ولا الجامعات والكليات

  65. طبب اللي يدرسو منحه ف كليه خاصه شوضعهم

  66. ياملكنا
    نحن خربجات لاوظيفة ولاحافز
    انظروا النا

  67. اتوقع المقصودين طلاب وطالبات الجامعات مو المدارس

    1. صحيح يقصد الجامعين اللي يستلمون مكافأة شهريه

  68. هل المكافاة تشمل ثانوية ولا لا

  69. كتر الله خيرك وجعله في ميزان حسناتك
    اللهم ارزقه البطانة الصالحة الناصحة واعينة على حكم المملكة

  70. القرار يشمل المدآرس ولا لا؟

  71. موظف قطاع خاص

    طيب ماهو وضع موظفي القطاع الخاص؟ أليس من بينهم مواطنون أليس من حقهم مساواتهم بغيرهم أليس هم من منظومة العمل أم أنهم دائما منسيون أليس هم من رعايا الملك سلمان نناشدك يا ولي الأمر العدل بيننا نحن مواطنون كما هم مواطنون لدينا الولاء لهذه البلاد كما هم لديهم أتمنى النظر إلينا بعين الاعتبار يكفي ان رواتبنا متدنية ولا تقارن بموظفي القطاع العام،،

    1. و الأجانب بالقطاع العمومي?

  72. و الأجانب المنتسبين للقطاع العمومي هل يشملهم?

  73. طيب انا طالبه جامعيه وماكان يصرف لي مكافئه هل ممكن تشملني ؟ ارجو الافاه ؟

    1. نعم يشملك

  74. ياخوان راتبي موقف هل ينزلي رواتب الشهرين ذي ولالا

  75. عبدالله محمدالشمري

    الله يطول عمرك مهي غريبه من الملك سلمان يده بيضا لكل أشعب جعل أيامه سديده مديده علي طاعه الله والله يسعده بالدنيا والاخره

    1. عبدالله محمدالشمري

      عاش ملك الشعب ملك العز والكرم ملك ألوفا >>> ترا الذئب ماهوذيب لولا صطوته بالناب وذيبن بدون أنياب ماهي بمهوبه وانا اشهدان الملك سلمان ذيب ابن ذيب وصطين بالناب وصطوته قويه يمن الردي خاب ونكس نايه

  76. القطاع الخاص ليه ماله شي والي ماعنده بيت ملك ليه ماله حل ولا حنا ماحنا سعوديين انا متزوج ولدي اطفال ومقطوع من شجره ولا املك منزل واعمل بقطاع خاص والراتب يالله يلحق

  77. كم راتب الطلاب والطالبات

  78. مستورالقرني

    الله يحفظ خادم الحرمين ويحفظ وطنا من كل مكروه

  79. عامر عبدالله الشهري

    حرام نحن عمال القطاع الخاص من أبناء هذا الوطن فلماذا لم يشملنا اوامر ملكية

  80. فهد الحربي

    أطال الله عمرك ياخادم الحرمين الشريفين الملك سلمان بن عبدالعزيز آل سعود وحفظك لنا يارب العالمين

  81. انا انتساب هل يشملني

    1. لا م يشمل الانتساب لانو م تنصرف لنا مكافأه الانتساب احنا اللي ندفع

  82. حافز فيه اولا

  83. وحافز ليش. مازودوه وثبتوهد

  84. الحين فيه مكافئه للطلاب المدارس المتوسط والثنوي وكم؟؟؟

  85. وحنا طالبات الانتساب تشملنا المكافئة؟؟

  86. وزير التعليم ماجستير هندسه معماريه

  87. عبدالعزيز العتيبي

    الله يحفظه ويحميه من كل شر

  88. عبدالعزيز العتيبي

    الله يحفظه ويحميها من كل شر

  89. الحمد لله

  90. الله يبارك لنا فيك ياملك الخير سلمان بس بينا شي لنا بالحريم لو حتى زياده في حافز وجعله دايم

  91. -صرف مكافئة شهرين لجميع طلاب وطالبات التعليم الحكومي داخل وخارج المملكة-

    القرار لطلاب الجامعه بس

    1. اين القطاع الخاص من الاوامر الملكيه ؟ ولماذا لم يتم تعديل رواتب القطاع الخاص ؟

      1. محمد العتيبي

        انت الله يجزاك خير طويل العمر ماقصر انتم يالقطاع الخاص ماتجون ١٠ الاف فاحمد ربك غيرك مالقئ وظيفه وانت تبي زيادة رواتب

        1. صدقت . الحمدلله على كل حال .

        2. سعود الشمري

          يامحمد العتيبي خاف ربك وش اللي مايجون 10الاف؟ ياخوي من حقهم الزياده موظفين القطاع الخاص بمئات الألوف وحتى لو انهم عشر أشخاص ترا ناس فاتحه بيوت اجار وعندهم عوائل وإذا انت مو بحاجه هم بحاجه والله يرزق من يشاء

      2. يا خوي الله يرضى عليك القطاع الخاص من وين يدفعلك راتب شهرين ؟؟؟ خلي الحكومة تدعم القطاع الخاص وبعدين اسأل عن القطاع الخاص لكن مافي دعم من الحكومة

        1. موظف جامعة الملك عبدالعزيز على البند

          سلام عليكم اخواني سؤالي وليت الاجابة لمن لديه الخبر اليقين هل الامر يشمل من هم على البنود ؟ و شكرا

        2. القطاع الخاص يتم دعمه من صندوق الموارد البشريه ولجان السعوده التابعه للدوله ليه ما يتم دعم القطاعات التي تعني بالقطاع الخاص للموظف الحكومي او التامينات الاجتماعيه تصرفها لنا

        3. سعود الشمري

          كلنا في ملكنا الكريم النظر في موضوع القطاع الخاص والله نستحق أن نكون اسوه بغيرنا من إخواننا الموظفين الحكوميين فكلنا سعوديين وأبناء وطن واحد… وهناك كثير من الشباب العاملين بالقطاع الخاص تصب خدمتهم لخدمة بلادهم في شتى المجالات وللأسف الاغلبيه منهم رواتبهم ضعيفه ولا تكفي الحاجه من اجار وديون وغيرها.. نتمنى من الملك النظر في هذا الموضوع وكلناامل به بعد الله.. اخوكم سعود الشمري

    2. طيب وطالبات المسائي ينزل لهم والا ﻻ ابي الكﻻم الاكييد رجاااء

  92. شكرا ملكنا بس خريجات الجامعه عاطﻻت نبى وظائف لو 300 ريال والله يتيمه ﻻ آب وﻻ أم ابغى اتوظف تكفون

    1. السلام عليكم ورحمة الله وبركاتة
      أشكرك يا ملكنا والله يحفظك يارب
      وألف مبروك لكل من شمله القرار ..

      وتظل الحسرة دائمة .. لموظفي القطاع الخاص
      مالنا شيء يالقطاع الخاص … ؟
      مفروك كل الموظفين عموما عام وخاص كل فرد سعودي يفرح وينبسط
      في أشخاص كثير يتحسرون وأنا واحد منهم
      لاكن الرزق من الله سبحانه وتعالى

      وأختنا بوحه
      خريجه جامعة .. ويتيمة الأب والأم .. ولم تستفيد
      الله يرحم والديك ان شاء الله
      ويرزقك من حيث لا تحتسبي يارب
      ويرزق كل من لم يشمله القرار س
      يارب

      تقبلوا تحياتي

    2. ربي يعوضكك ويرزقكك بوظيفه تتمنينها

    3. محمد العتيبي

      بوحه انشالله يجيك الرزق من حيث لاتحتسبين لكن اطلبي الله والله بيرزقك وياالقطاع الخاص الحمدلله علئ كل حال واحمد ربك والعوض فالحكوميين اخوك وال اختك وال احد يصل فيك حكومي يعوضك

      1. صالح المحارب

        نرجو النضر في القطاع الخاص حفظ الله الملك سلمان ابن عبدالعزيز

    4. شموخ أنثئ

      انا بعد مثلك انتظر الوظيفه معي شهاده البكاريوس ياملكنا سلمان نطلبك توظف جميع خريجه البكاريوس نبي راتب يمشي لنا طلبناك ياخادم الحرمين نبي وظيفه حتي حافز مانعينا منه ليش فيك الرجاء ياملكنا

    5. اعرف وظيفه بس المشكله كيف بتواصل معك واقولك ماقدر احط رقمي
      في شنبات هنا

      1. لنا الله بس والله يهني من جاتهم زيادات ويباركلهم ♡

        1. ساره القحطاني

          ايوالله الله يرزقناء بس ويثبت حافز

      2. تكفين وين الوظيفه خريجات ثانويه وودي بوظيفه

    6. ي ويل قلبي كسرت قلبي ترا كلنا بالهوى سوء.
      مادامك كذا وش تبين بالوظايف ترا دوخة رأس الزواج لك احسن.

      1. لا الزواج لا …
        الرجال صايرين تافهين الا من رحم ربي
        وزلايب ..
        الوظيفه افضل بعد اذن الله

  93. عبدالمجيد الزهراني

    هل يشملنا القرار حنا طلاب المتوسط

    1. يعني بعيطونك صراف

      اكييد مافيطلي

      1. خلف الشمري

        ابي اعرف وش معنى كلمة تعديل سلم معاش الضمان الشهري يعني فيه زياده ولا بس المكرمه هذي ويرجع الضمان 800 نفس اول ؟

        1. نور البدر ..

          تعديل سلم المعاش للضمان
          يعني زيادة الضمان وتكون زياده ثاااابته

        2. شموخ أنثئ

          تعديل السلم يعني اول كان الفرد الواحديستلم ثمان ميه وثلاثة وستون الحين بيستلم ألف ريال يزيد السلم بعددافراد العائله الفرديين قبل السلم يستلمو ألف ومائتين الحين بيستلم ألف ومئتين وثنين وثمانون وهكذاا

    2. عبدالحمييد

      الابتدائيه والمتوسطه لهم رواتب

  94. انا اول سنه بالمتوسط ويقولون مايجيك لان اول سنه بهاي المدرسة تكفون يجيني والله محتاااجه تكفووووون مالي الا انت ياملكنا سلمان

    1. ً ًاحمد بن عبدالعزيز ً

      اي أرامكو اللي فيها سواء من موظفين او متدربين جميعهم أخذ الراتب الأساسي دبل ًحفظك الله ورعاك سلمان بن عبدالعزيزً

    2. سيف العتيبي

      يجيك غصبن عليهم اذا انتي اول تدريس لك فالمدرسه هذا مكرمه ملكيه مالها صلاح فالراتب وتقدرين تشتكين عليهم

  95. ام. عبدالله الحماد

    يشكر الملك سلمان على هذى التفافه الابويه لشعب وهذا ليس جديد على حكام هذيه البلا د الطيبي ونتمنى ان يكون القرار يشمل جميع طلاب. الحكومى والأعلى لأنهم من أبناء هذيه البلاد وطلاب الكليات الأهلية مساواتها مع الابتعاث الخارج لأنهم ابتعاثه داخلى نتمنى ان يم الالتفات الى هذيه ألفيه العزيزة علينا من خادم الحرمين الشرفين أطل الله بعمره لخدمة الاسلام والمسلمين جزاكم خير

    1. موظفة قطاع خاص

      الحين انا ماشملنا تطلبين زياده لجميع الطلبه وش هالطلب الي تطلبيه الله يهديك اقول دام جاك راتبين استريحي

  96. هل موظفي مستشفى الحرس الوطني يشملهم مكرمة الملك راتب شهرين

    1. غير معروف

      ايه لهم راتبين

      1. موظف مسكين :'(

        صج؟؟؟ بيصرفون لموظفين مستشفى الحرس؟؟؟ طيب متى؟؟؟
        راتبي اليوم نقص بعد فوق ساند 39 هع
        يا رب صدق عشان أسدد للسيارة ويمكن بعدين أقدر اتزوج -_-

  97. الله يحفه من كل شر

    1. محمد العتيبي

      ايه يالشيخ يشملكم باذن الله لانكم حكوميين سواءً عسكري او مدني او ماكنت
      والله يجازي سلمان بالخير عنا ويرحم عبدالله والمسلمين

      1. ثامر الشمراني

        انا راتبي موقف هل المكرمه تشملين

  98. ناصر الدوسري

    متى تنزل رواتب الموضفين

    1. محمد العتيبي

      الشهر هذا باذن الله اذا ماختلافت الامور
      والله يرحم واللديك ياسلمان ويحرم عليهم النار وموتا المسلمين

      1. كم رواتب المعلمين

    2. نشكر الملك سلمان الله يحفظه

  99. مافي معاش للابتدائيه

    1. يارجال اغسل يدك مافيه حتاء أثانوي

    2. نزلوو راتب الى مدارس ابتدائي بالشرقيهه الاولاد فقط
      600 ريال
      اعتقد حتى البنات بس بعدهم
      الله يحفظ ملكنا ويطول في عمرهه وزيدنا من الخيرات
      تاريخ اليوم 20/4/1436

  100. سامي الجاسر

    هل موظفين القطاع الخاص تشملهم الاوامر الملكيه بصرف راتب شهرين !!؟؟؟؟

    1. احمد شاهين

      ماظنيت ياخوي القطاع الخاص لو بيده شال راتبك وماعطاك شي
      لنا الله

      1. ياريت لو يناظرو للقطاع الخاص السعوديين والأخوة العرب لو يشدو عالقطاع خاص والله بيمشون سيدا أتمنى من الله ثم مليكنا سلمان بن عبدالعزيز الله يحفظك ويسعدك ياملكنا أن تنظرون للقطاع الخاص

        1. وربي حنا مساكين القطاع الخاص مانقدر نقول غيرالله كريم

        2. لو احنا لقين وظايف حكوميه براحه كان ماجلسنا بالقطاع الخاص دقيقه واحده

      2. صاحب الحق

        غير الوظايف الحكوميه لاتكلمني
        الحكومه وبس فديت ال سعود والاسره المالكه الحقيقه انا قطاع خاص وبخيروبنعمه ولله الحمد يكفي نعمه الأمن والأمان يكفي لوتنام بالشارع محد يتجرى يتعرضك الله لا يغير علينا

    2. محمد العتيبي

      يالشيخ سامي مايجيكم شي بس العوض انشالله فالحكوميين بيعوضونك ويعوضون كل محتاج ..
      والله يحرم عليك النار ياسلمان ووالديك

    3. الله كريم

      1. والله ماعندي غير رحمة الله لوضيفه ولا غيرها الله يرزق الجميع

        1. ابشر بالخير استغفر وراح تشوف

    4. متى تنزل الرواتب الشهرين

    5. ياجماعه لو القرار عادل كان الاول المواطن السعودي الي يشتغل في قطاع خاص له الاولويه قبل الحكومي

      1. محمد الشهراني

        انشهد انك صادق

شاركنا بتعليقك

لن يتم نشر عنوان بريدك الإلكتروني.




تيوب المواطن


الرياضه


غرائب

قد يعجبك ايضاً

مركز الملك سلمان للشباب يؤهل 180 قائدًا شابًا

المواطن – الرياض أهَّل مركز الملك سلمان للشباب