الأسهم الأمريكية تغلق على ارتفاع ومؤشر داو جونز يحقق مكاسب للأسبوع الثامن على التوالي تردد قناة SSC الناقلة لـ مباراة الشباب ضد الأهلي ترتيب دوري روشن بعد خسارة الاتحاد ضد الاتفاق بخماسية حساب المواطن الشروط اللازمة لتسجيل المتزوجات.. تعرف عليها الوحدة يحقق فوزًا ثمينًا على الخليج بثنائية الاتفاق يقسو على الاتحاد بخماسية أمام أنظار عشاقه في جدة أبل تعتذر عن إعلان آيباد برو المثير للجدل.. تعرف على السبب السياحة في معرض السفر العربي.. 40 مذكرة وشراكة وجائزة أفضل منصة أعمال سبب غياب المعيوف وجوتا والشنقيطي عن مباراة الاتحاد ضد الاتفاق حساب الاتفاق يسخر من خسارة الاتحاد: “بص على اللوحة” !
نشر الشاعر عبدالرحمن بن دابس المرخان قصيدة رثى فيها شهيد الوطن- المغفور له بإذن الله- #العقيد_عبدالله_السهيان ، والذي استُشهد فجر أمس أثناء عمله ضمن قوات التحالف في عمليات تحرير محافظة تعز باليمن.
وجاء في قصيدة “المرخان”:
يا موطني دونك رجال مغاوير *** ومن مات منهم جاك واحد بداله
قل للملك سلمان شعبك على خير *** وما يذل والد دون ملكه عياله
والجوف كم فيها رجال ومشاهير *** والدم يشهد مع رجال الشكاله
شال المهمة ما رماها على الغير *** يا حي ذاك الوجه وحي البساله
عمامه اللي نافلين الطوابير *** وعلى الشرف والعز طالع لخاله
الحور فزن له سرور وتباشير *** وصفن على يمناه وصفن شماله
وطافن عليه من الفرح بالمباخير *** كنه نهار الكون صاحب جلاله
سوق الشرف ما هو بسوق الهوامير *** فيه الربح مضمون في كل حاله
ما يدخله يا كود عوج المناقير *** ترقى الخطر يوم الردي ما رقاله
العمر يفنى والحوادث مقادير *** وموت الفتى بالحرب عز وجماله
ما مات لينه طهر الحد تطهير *** واسقِ العدو كاس القهر للثماله
وقُل للعدو اللي تشمت بتحقير *** ما همنا البواق…. وراع العماله
صُبّوا لابوه البن ياهل المظاهير *** وعدّه عن اللي حيلته بالبياله
وعطر شنب من جابه اليوم تعطير *** وقبّل جبينه لي… وعزو عياله
ما هزتك يا طويق صلف العواصير *** يرسي كما ترسي شوامخ جباله
يوم الجبان ابعد عن الشر والخير *** ولو مر به نسناس طيّح عقاله!
وقولوا لملكنا ما علينا مخاسير *** الجوف أهلها كل أبوهم رجاله
ما دوروا يوم الملاقاء معاذير *** العذر دون الدار عيب وفشاله
هذا وأنا في غربتي قاصر السير *** وقلبي على دار السعد حي فاله
وصلاة ربي عد وبل الشخاتير *** على النبي خاتم كلام الرساله