ميار الببلاوي حبست زوجها في مصر وصورت مشهدًا لا يصح في رمضان

أكدت الفنانة ميار الببلاوي، أنها لم تتزوج في السر أبدًا، موضحةً أنها لم تعلن عن هوية زوجها الحالي، على الرغم من أنه سبق أن حسبها في بلده ولكنها في المقابل حبسته في مصر.

لقاء ميار الببلاوي

وتابعت ميار الببلاوي في حوارها مع الإعلامية بسمة وهبة مقدمة برنامج العرافة على قناة المحور المصرية: “والدته لم تقل إنني سرقت ذهبها، وهو كان متغاظ إني خرجت من البلد من غير ما هو يعرف، أخدت ابني وسافرت”.

قد يهمّك أيضاً

ميار الببلاوي تنهار على الهواء بسبب مقطعها الخادش

ميار الببلاوي تنهار وتستغيث بعد مرض ابنها

وأضافت: “رفعت عليه قضية في مصر وحبسته كنا في عز الثورة، طلقني كتير واتجوزنا كتير، طلقني حوالي 11 مرة.. هو أول حب في حياتي وأول راجل في حياتي، مخلفناش من بعض، وكنت عاوزة أخلف فاتجوزت غيره ورجعت له تاني، حصلت مشاكل واتطلقنا”.

واستكملت ميار الببلاوي: “رغم مشاكلنا وقف جنبي لما ماما ماتت وساندني بكل اللي يقدر عليه بعد ما شيلت الرحم وكان كريم معايا وابني”.

كما قالت الفنانة ميار الببلاوي: إنّها استمرت في التمثيل رغم ارتداء الحجاب؛ لأنها تحب التمثيل، موضحةً: “أعتز جدًّا بالإمام أبو حنيفة النعمان، والإمام عبدالحليم محمود، ومسلسل الإمام الشافعي وكل مسلسلاتي”.

مسلسل أيام السراب

واستكملت ميار الببلاوي: “بالنسبة لمشهد السرير في مسلسل أيام السراب، فهو معمول بمقاييس شرعية جدًّا، مكناش لازقين في بعض، ولا حتى متغطيين بغطاء واحد”.

وتابعت الفنانة: “ممكن أكون أسأت للحجاب بالمشهد ده، ومن يوم ما لبست الباروكة في المسلسل ده؛ وأنا بحارب اللي بيلبسوا الباروكة، لأني يومها حسيت بطعنة في قلبي، لبست البونيه وخلعت الحجاب، قلت عارضات الأزياء الإيرانيات بيلبسوا كده، وبعد المشهد؛ عملت عمرة وتبت عنه، لأني لبست الباروكة فوق البونيه”.

دعاء على إيناس الدغيدي

وخلال لقائها بالبرنامج، أوضحت ميار الببلاوي مسألة أنها دعت على المخرجة إيناس الدغيدي بسبب مشاهد فيلم ديسكو، حيث قالت: “أنا مكنتش عايزة أعمل كل المشاهد اللي عملتها في فيلم ديسكو.. لا كنت عايزة ألبس مايوه ولا مشهد عمرو عبدالجليل (يتواجدان على نفس السرير بموقف حميمي) ولا مشهد شريف منير، والمشاهد دي كلها عملت لي مشاكل وأنا الحمد لله اتحجبت ومش عايزة حاجة زي كده تتعرض ولا تتجاب سيرتها”.

وأضافت: “صورت مشهد لا يصح ولا يليق بشهر رمضان، أنا كنت بنت عندها 19 سنة وفرحانة إنها دخلت التمثيل وبتشتغل قدام نجلاء فتحي وصلاح ذو الفقار.. ناس عمري ما كنت أحلم أشتغل معاهم، فكنت مطيعة جدًّا وحابة الموضوع جدًّا، بس المشهد ده اتخضيت فيه لأني متربية في بيت متدين ومكنتش قادرة أعمله.. دخلت علشان أعمل المشهد وقلت لهم نعمله بعد الفطار قالولي لأ وأنا كنت صايمة، وكنا بنصور في الديسكو بالنهار والباقي فاطر لأنهم كانوا بيشربوا في صالة الديسكو، وقتها دخلت الحمام وقفلت علي نفسي وإيناس الدغيدي اتعصبت وقالت أنتي هتقعدينا ساعتين لحد بعد الفطار علشان تعملي المشهد احنا عايزين نخلص ونمشي”.

بكاء وقت الصيام

وأردفت: “كنت بعيط علشان معملش المشهد وقت الصيام، لقيت الفنانة نجلاء فتحي وهي زي السكر وكنت باموت فيها ولو قالت لي ارمي نفسك في البحر كنت هارمي نفسي، قالت لي يلا يا حبيبتي تعالي اعملي المشهد، وأقنعتني إن رمضان ده بتاع الفقراء بس واحنا مبناكلش فيه علشان نبقى زي الفقراء وعلشان الفقراء ميحسوش إن احنا بناكل وهما لأ فالموضوع مش محتاج أنك ترفضي المشهد ومتخافيش والموضوع هيعدي، وعملت المشهد.. وأنا أهلي صعايدة والدنيا اتطربقت بسبب المشهد، بس أنا كنت في بدايتي وده كان من ضمن التنازلات”.